SHTOLNYA

SHTOLNYA (nem.) konchilik ishlarida foydalanish uchun belgilangan, yer yuzasiga chiqish yoʻliga ega boʻlgan, yon bagʻir boʻylab qazilgan gorizontal kon inshooti. Suv oqishi uchun biroz qiyalab oʻtkaziladi. Shtolnyalar razvedka jarayonida va konni oʻzlashtirishda ishlatiladi. Ularning shakli, koʻndalang kesimining oʻlchami va mustahkamlagich tipi togʻ geol. si va togʻtexnik sharoitlariga qarab tanlanadi. Shtolnyalar maqsadiga koʻra transportli, shamollatuvchi va suv oqizib chiqaruvchilarga boʻlinadi.