SAVR (arab.) — 1) Zodiak yulduz turkumlaridan biri. Belgisi O. Oʻrta asr yulduz xaritalarida Ovchi Orionga tashlanayotgan baquvvat buqa shaklida tasvirlanadi. Bu yulduz turkumida oddiy koʻz bilan 125 tagacha yulduz sanash mumkin. Uning eng yorugʻ yudduzini arablar Aldebaran deb atashgan. Ungacha masofa 70 yorugʻlik yili, shuningdek, bu yulduz turkumida Hulkar sochma yulduz toʻdasi ham joylashgan. Savr kuz va qishda yaxshi koʻrinadi;
2) shamsiya yil hisobida 2oyning nomi. 22 apr. dan 21-maygacha boʻlgan davrga toʻgʻri keladi.