SARATOV — RFdagi shahar (1780-y. dan), Saratov viloyati markazi. Volga daryosining oʻng sohilidagi yirik dare porti (Volgograd suv ombori). T. y. va avtomobil yoʻllari tuguni. Aholisi 886,1 ming kishi (1998). Saratov 1590-y. da qalʼa sifatida barpo qilingan. 1670 — 71 y. lardagi dehqonlar urushi davrida saratovliklar shaharni ST. Razinta topshirib unga faol yordam berdilar, 1774-y. da Saratovni Ye. I. Pugachyov qoʻshinlari bosib oldi. 1780-y. dan Saratov noibligining, 1797-y. dan Saratov gubernyasi, 1928-y. dan Quyi Volga, 1934 — 36 y. larda Saratov oʻlkasi markazi. Hozirgi Saratov — RFning yirik sanoat markazi. Mashinasozlik (stanoksozlik, dizel, energetika mashinasozligi, elektr termik jihozlar, podshipnik va b. z-dlar), neftni qayta ishlash, kimyo, yogʻochsozlik, oziq-ovqat sanoatlari korxonalari, texnik shisha z-dlari bor. 10 oliy oʻquv yurti (shu jumladan, un-t, konservatoriya), sirk, filarmoniya, 4 teatr (shu jumladan, opera va balet teatri), oʻlkashunoslik, A. N. Radishchev badiiy muzeylari, yozuvchilar N. T. Chernishevskiy (S. da tugilgan va vafot etgan), K. A. Fedin muzeylari mavjud.
Meʼmoriy yodgorliklardan Troitsa sobori (17-a.) va turar joy binolari (19a. 1-yarmi) saqlangan.