RIFLAR

RIFLAR — Shim. Marokashning togʻli viloyatidagi barbarlar. 1,25 mln. kishi (1990-y. lar oʻrtalari). Barbar tilida soʻzlashadilar. Ikkinchi til — arab tili. Dindorlari — sunniy musulmonlar. 18-a. ning boshlarida Riflar arablar tomonidan bosib olindi. Ular 17—18-a. lar, ayniqsa, 19-a. va 20-a. ning boshlarida fransuz va ispan mustamlakachilari tomonidan asoratga solingan. 1921—26 y. lar mustamlakachilarga qarshi milliy ozodlik kurashi olib borib Rif respublikasi tuzishgan. Asosan, dehqonchilik b-n shugʻullanadilar.