REGISTON

REGISTON (fors, qumloq joy) — Eron togʻligining sharqiy qismidagi qumli choʻl. Afgʻoniston jan. da. Gʻarbiy va shim. chekkasidan Hilmand daryosi oqib oʻtadi. Jan. dan Chogʻay togʻlari, sharqdan Makron togʻlari tarmokdari oʻrab turadi. Uz. 400 km, kengligi 200 km gacha. Mayd. 40 ming km2 chamasida. Registon sharqsan (1500 m) gʻarbda (800 m) pasayib boruvchi tekislikdir. Joʻyakli katta qum maydonlari, koʻchib yuruvchi barxanlar bor. Iqlimi kontinental, quruq, subtropik iqlim. Yillik yogʻin 100 mm chamasida. Oʻsimlik siyrak. Togʻ etaklari hamda daryo vodiylarida voha va toʻqayzorlar bor. Yaylovlarda qoʻy, echki, tuya boqiladi.