QUDACHILIK — yigit va qizni unashtirish marosimidan keyin har ikkala oila aʼzolarining qarindoshlik jihati. Qarindoshlik aloqalari nikoh toʻyidan keyin yanada mustahkamlanadi. qudalar bir-birlari bilan yaqindan tanishish uchun navbatma-navbat «quda chaqiriq» marosimini oʻtkazadilar. Bunday oʻzaro muloqotlar 2 oilani, ularning farzandlari tufayli yuzaga kelgan qarindoshchilikni mustahkamlashga xizmat qiladi. Bir-birlarini yanada chuqudroq oʻrganishlariga yordam beradi.
Oʻzbek xalqida «qudachilik ming yilchilik» degan maqol bor. Qudalar oʻzaro munosabatlariga oʻta ehtiyotkorlik bilan yondoshadilar. Har 2 oila aʼzolari doimo bir-birlarining holidan xabar olib turishi, quda taraf toʻy-maʼra-kalarida faol ishtirok etishi zarur. q. munosabatlarining kelajakda qanday tus olishi kelin-kuyovning tarbiyasi, odob-axloqi va maʼnaviyatiga ham bogʻliq.