QORAQALPPOQ DAVLAT QOʻGʻIRCHOQ TEATRI

QORAQALPPOQ DAVLAT QOʻGʻIRCHOQ TEATRI — 1990-y. tashkil topgan. Teatr «Oriq mergan» (K. Karimov) spektakli bilan ochilgan. 1991-y. Samarqandda oʻtkazilgan festivalda teatr «Oriq mergan» va «Oq takacha bilan koʻk takacha» spektakllari, 1993-y. Andijon festivalida «Kerak boʻlganing kerak», 1995-y. Toshkent festivalida «Bedana va tulki», 2000 y: Samarqand festivalida «Shum eshak» kabi spektakllari bilan qatnashib, sovrinli oʻrinlar egalladi. 2001-y. Toshkentda oʻtkazilgan «Qoraqalpogʻiston madaniyat kunlari»da teatr «Oʻgʻirlikning oxiri xoʻrlik» spektakli bilan qatnashdi. P. Aytmurotovning «Otam aytgan afsona» asari asosida ishlangan tomoshabop, serzavq tomosha keyingi yillar ishlangan eng yaxshi spektakllardan. Jubandiq Ibragimov, Roza Piyozova, Qurbongul Saparbayeva, Oybek Yesimbetov, Qublonbek Qalilayev, Berdimurod Yusupov va b. teatrning yetakchi aktyorlaridir. Bosh rej. i va badiiy rahbari M. Zamatdinov.