Xirosi Nuyama
Derazada oʻtiraman
Asta egib bosh.
Derazada dam oladi
Sovqotgan quyosh.
Sovuq nurin oynasiga
Sochib, uyalib.
Men turaman chap yelkam-la
Unga suyalib…
Derazaning chap yonidan
Qilsam tomosha,
Ziraklardek tizilishib
Chap yelkam osha,
Sovuq kamoq boʻgʻotida
Qator sumalak.
Mashʼum qishning shum inʼomi
Shu boʻlsa kerak.
Oʻng tomondan qarar boʻlsam:
Kech kirmish darrov.
Oʻng qoʻlimning kaftlariga
Yigʻilar qirov.
Tor deraza. Derazada
Temir panjara
Qor yonadi oynasida
Lovullab, qara!
Shuhrat tarjimasi
https://saviya.uz/ijod/nazm/qor-yonadi-lovullab/