POLIVINIL SPIRT

POLIVINIL SPIRT [-SN2-— (SNON)—]p — oq rangli qattiq polimer modda. Mol. m. (5—200)-103. Suyuqlanish t-rasi 225—230°, parchalanish t-rasi 170—230°; zichligi 1270—1300 kg/m3; gigroskopik. Suvda, glikol va glitserinda eriydi, alifatik va aromatik uglevodorodlar (benzin, benzol va h. k.)da deyarli erimaydi. Polivinil spirt oʻzining murakkab poliefirlari (mas, poli-vinilatsetat) ni gidrolizlab olinadi. Polivinilatsetatlar olishda qoʻllanadi. Tola, emulgator, yelim, dorilarni va oziq-ovqat mahsulotlarini quyultirgichlar sifatida, xirurgiya ipagi va h. k. tayyorlashda ishlatiladi. Polivinil spirt plyonkalari pishiq, gaz oʻtkazmay-di, ozonga chidamli.