PESHANABAND, peshanabogʻ — 1) ayollar boshiga, peshanasiga bogʻlaydigan, tangʻib oʻraladigan kichik roʻmol. Peshanani, peshanadagi sochlarni berkitib turadi. Peshanaband ustidan katta (oq doka, oyim doka yoki shol) roʻmol oʻraladi. Baʼzan keksa ayollar katta oq roʻmolni oʻrab, uning ustidan Peshanaband bogʻlaydilar;
2) roʻmol ustidan peshanaga bogʻlanadigan bogʻich. Zardoʻzi va b. usullarda kashta tikib bezatiladi. 19-a. oxirlarida tayyorlangan nafis be-zakli Peshanaband namunalari respublika muzeylarida saqlanadi.