OXUNBOBOYEV NOMIDAGI KANAL

OXUNBOBOYEV NOMIDAGI KANAL — Namangan viloyatidagi magistral kanali. Uz. 48 km. Suv oʻtkazish imkoni-yati 70 m3/s. Sirdaryodan toʻgʻonsiz suv oladi, suvning oʻzi oqib oʻtadi. Qoradaryodan suv oluvchi Oʻrolamin, Mahman va Eshonbobo kanallari birlashtirilib, rekonstruksiya qilingach, 1930-y. da ishga tushirilgan. Uning yangi bosh inshooti Sirdaryoning Mingbuloqburni yaqinida barpo etilgan (1964). Kanal trassasi bosh qismida Sariqsuv kollektorini kesib oʻtadi. Mazgil oʻzani orqali, soʻngra qoʻriq yerdan oqadi. Namangan viloyatining Toʻraqoʻrgʻon, Uchqoʻrgʻon, Pop, Uychi, Namangan tu-manlaridagi 40 ming gektarga yaqin yer sugʻoriladi.