NORJIGITOV

NORJIGITOV Abduhakim (1936.16.1, Dashtobod sh.) — Oʻzbekiston Respublikasi xalq oʻqituvchisi (1995). Toshkent ped. in-tini tugatgan (1965). 1965 — 77 y. larda Dashtobod sh. dagi 25-maktabda fizika oʻqituvchisi, direktor oʻrin-bosari, direktor. 1977-y. dan Toshkent irrigatsiya va q. x. ni mexanizatsiyalash muhandislari in-tining Yangiyer fi-lialida tayyorlov boʻlimi mudiri, 1979-y. dan Zomin tumani 2 – maktablararo oʻquv i. ch. k-ti direktori, 1989—2002-y. larda Zomin tumanidagi 39-maktabda oʻqituvchi. Ish faoliyati davomida zamon talabi darajasidagi fizika va agrofizika kabinetlar, fizika-mat, chuqur oʻrganiladigan sinflar tashkil etdi, tabakalashtirilgan test usulini qoʻlladi va ommalashtirdi.