NARAYAN

NARAYAN Pritxvi (1723—75) — Nepal qiroli (1769-y. dan). Gʻarbiy Nepalda 1742—69 y. lar mobaynida Gorkxva knyazligini idora etgan. 1743—69 y. larda Katmandu vodiysidagi Kantipur, Bhantapur, Lamitaur, Banspur yerlarini, soʻngra Kirat, Morang hamda Shim. Nepalga qarashli Ilam yerlarini oʻziga boʻysundirgan. 1769-y. poytaxtni Katmandu sh. ga koʻchirgan va u yerda yagona Nepal qirolligiga asos solgan.