“Modomiki, oʻzing egilmasang, hech bir odam sening ustingga mina olmaydi”

Quyida keltiriladigan fikrlar, hikmatlar ijtimoiy tarmoqlardagi turli sahifalardan olib tarjima qilingan. Bundan tashqari sahobai kiromlar, ulugʻ olimlar, Yaqin Sharq, Osiyo, Yevropa va Amerika mutafakkirlarining bir qator fikrlari ham berilgan.

*****

Odamlar bilan boʻlgan aloqam doirasi kichraygani sayin rohat-farogʻat doiram kengayganini koʻrdim.

“Buyuklar va donishmandlar hikmati”

*****

Modomiki, oʻzing egilmasang, hech bir odam sening ustingga mina olmaydi.

 “Buyuklar va donishmandlar hikmati”

*****

Alloh taolo yomon gumon qiluvchilarga yordam bersin! Ular bilan rohatning orasidagi masofa juda uzundir.

“Buyuklar va donishmandlar hikmati”

*****

Hamma kulgular ham xursandchilik alomati boʻlavermaydi. Baʼzilari qalbdagi alam va ogʻriqni yashirish uchun niqob kulgudir.

“Buyuklar va donishmandlar hikmati”

*****

Inson bilishi kerak boʻlgan hayotdagi eng qattiq darslardan biri – hamma ham unga yaxshilikni istamasligidir.

“Buyuklar va donishmandlar hikmati”

*****

Fazilatli ayol qidirishdan oldin oʻzingiz fazilatli erkak boʻling. Daraxt meva berishidan oldin gullaydi. Fotimadek ayol qidirgan kishining oʻzi Alidek boʻlishi kerak.

“Buyuklar va donishmandlar hikmati”

*****

Seni noqis holingda qabul qilishim mumkin, ammo yolgʻonchi boʻlsang, qabul qilmayman.

“Buyuklar va donishmandlar hikmati”

*****

Ilmi oz, odobi koʻp boʻlishing ilmi koʻp, odobi oz boʻlishingdan ming marta yaxshidir.

“Buyuklar va donishmandlar hikmati”

*****

Koʻpchilik odamlar atroflaridagi kishilar xursand boʻlishlari uchun gʻamlarini ichlarida saqlaydilar. Ey Robbim, boshqalarning shodligini oʻylab, gʻamini ichida saqlayotganlarni Oʻzing shod ayla!

“Buyuklar va donishmandlar hikmati”

*****

Hikmatni koʻzi ojiz kishidan ol. U qoʻlidagi hassasi bilan yerni paypaslab, aniqlashtirib olmagunicha u joyga oyogʻini qoʻymaydi.

Tavfiq Hakim

*****

Oʻzgarganimda oʻzgaradigan, boshimni silkitganimda boshini silkitadigan doʻstga ehtiyojim yoʻq. Soyam bu ishni undan yaxshiroq bajaradi.

“Buyuklar va donishmandlar hikmati”

*****

Qalbimizni xursand qilish oson. Ozgina eʼtibor ham uni xursand qila oladi.

“Buyuklar va donishmandlar hikmati”

Internet materiallaridan toʻplab, tarjima qiluvchi

Nozimjon Iminjonov

muslim.uz