MILLER (Miller) Merton (1923.16.5, Boston) — amerikalik iqtisodchi. Jon Gopkins untida iqtisodiyot d-ri ilmiy darajasini olgan (1952). Chikago unti qoshidagi Oliy biznes maktabi prof. (1961), Ekonometrika jamiyati aʼzosi, Amerika moliya assotsiatsiyasi prezidenta (1976). Millerning asosiy ilmiy faoliyati xususiy korporatsiyalarning moliya muammolarini, 1980*-y. larning boshlaridan moliyaviy xarajatlar, qimmatli qogʻozlarni iqtisodiy va maʼmuriy tartibga solish muammolarini tadqiq etishga bagʻishlangan.
«Dividend siyosati, iqtisodiy oʻsish va aksiyalar qiymatini baholash» (1961) asarida muvozanat sharoitlarida dividend siyosati firma qiymatiga taʼsir koʻrsatmasligini isbotladi. Nobel mukofoti laureati (1990; G. Markovis va U. Sharp bilan birgalikda).
As: Skolko stoit firma? Teorema MM., M, 1999.