MATNAZAR JABBOR OʻGʻLI

MATNAZAR JABBOR OʻGʻLI (19061977, Xorazm viloyati Hazorasp tumani) — oʻzbek xalq baxshisi. Qoraqal-poq jirovi Qurbonboy Tojiboy oʻgʻlining shogirdi. Shuning uchun ham uning repertuarida Xorazmda tarqalmagan «Alpomish», «Qurbonbek», «Shirin bilan Shakar» kabi dostonlar mavjud. U mazkur dostonlarni Xorazm dostonchilik anʼanalariga moslashtirgan. Xalqdostonlarini qoʻbizda ijro etgan. Undan yozib olingan «Qorakoʻz oyim» dostoni nashr etilgan (1967).