LINOL KISLOTA

LINOL KISLOTA — ikki qoʻsh bogʻli bir asosli karbon kislota, SN3 (SN2)3 (SN2SN=SN)2 (NSN2)SOON. Mol. m. 280,5. Suyuqlanish t-rasi — 5°, kaynash t-rasi 149°, zichligi 903 kg/m3 (20°da). Linol kislota normal hayot faoliyat uchun zarur, almashtirib boʻlmaydigan yogʻ kislotalari jumlasiga kiradi. Odam va hayvon organizmiga oziq-ovqat orqali, asosan, murakkab lipidlar — triglitseridlar va fosfatidlar holida oʻtadi (q. Yogʻ). Triglitserid holida koʻpgina oʻsimliklar moyi va hayvonlar yogʻida, mas, soya, paxta, kungabo-qar, zigʻir, nasha urugʻi moyi, kit yogʻida 40—60% gacha boʻladi.