LEYTENANT

LEYTENANT (frans. lieutenant) — koʻpgina mamlakatlarda kichik ofitserlarning harbiy unvoni. Fransiyada 15-a. da paydo boʻlgan; boshligʻi vazifasini vaqtinchalik bajarib turgan ofitserni Leytenant deb atashgan. 17-a. ning 2-yarmidan Fransiya va b. Yevropa davlatlari armiya va flotidagi mansab. Leytenant mansabi Rossiya flotida 18-a. ning boshidan mavjud boʻlgan. Sobiq Ittifoq qurolli kuchlarida 1935-y. da Leytenant va katta Leytenant, 1937-y. da kichik Leytenant unvoni joriy qilingan. Oʻzbekistan Qurolli Kuchlarida Leytenant, kichik L. va katta L. un-vonlari mavjud. Adliya, bojxona, avtomobil nazorati, ichki ishlar, favqulodda hodisalar vazirligi va b. da xam bu unvon bor.