KUMAMOTO

KUMAMOTO — Yaponiyadagi shahar, Kyusyu o. da, Sirakana daryosi boʻyida. Kumamoto prefekturasining maʼmuriy markazi. Aholisi 650,3 ming kishi (1995). Transport yoʻllari tuguni. Mamlakatning muhim sholichilik r-nining savdo-taqsimot markazi. Toʻqimachilik, elektronika mashinasozligi va oziqovqat sanoatining yirik korxonalari; q. x. qurollari, rezina buyumlar, mineral oʻgʻitlar i. ch., meva va sabzavotlarni qayta ishlash z-dlari bor. Hunarmandchilikda gazlama toʻqiladi, chinni buyumlar ishlab chiqariladi. Meʼmoriy yodgorliklardan Budda ibodatxonasi, qasr (16-a.) saqlangan.