KRIOLITOZOVA (krio… va lithos – tosh; zone — mintaqa) — tuproq, togʻ jinslari t-rasining manfiy koʻrsatkichlari va yer osti muzliklarining mavjudligi yoki mavjud boʻlish imkoniyatlari bilan tavsiflanuvchi litosfera (Yer poʻsti)ning yuqori qatlami shaklidagi kriosfera qismi. Mavjud boʻlish holatiga koʻra, Kriolitozova koʻp yillik (bir necha yildan ming yilgacha) va mavsumiy (muayyan muddat tungish oblastlari)ga boʻlinadi. Koʻp yillik Kriolitozova, oʻz navbatida, quruqlikdagi suberal, muzliklar ostidagi subglyatsial va dengiz, okeanlar akvatoriyasi ostidagi submarin Kriolitozovaga boʻlinadi.
K. Oʻzbekistonda bal. 2500 m dan ortiq boʻlgan togʻlar (Toshkent, Namangan, Qashqadaryo, Surxondaryo viloyatlari)da uchraydi.