KOʻRAK

KOʻRAK, koʻr koʻsak, olaqaroq — toʻla rivojlanmagan, koʻpincha sovuqdan keyin ochiladigan gʻoʻza koʻsagi. Gʻoʻza tupining kech gullaydigan periferik (chetki) qismida hosil boʻladi. Koʻrak och yashildan toʻq yashilgacha hamda pushti yoki qizil ranglarda boʻlishi mumkin. Koʻrak qulay ob-havoda tez quriydi, lekin pishgan koʻsaqlarga nisbatan nim ochiladi. Koʻrak tolasining sifati past. Koʻrak terish meteorologik sharoitga bogʻliq boʻlib, koʻrak tershi mashinasi bilan bajariladi. Qoʻlda terilgan K. quritilgach, koʻsak chuvshi mashinasida paxtasi ajratib olinadi.