KORJINSKIY Dmitriy Sergeyevich [ 1899.1(13).9. – Peterburg – 1985.16.12] — rus geologi, akad. (1953), 1929—40 y. larda Leningrad konchilik in-tida, 1937-y. dan SSSR FAda (19691979-y. larda eksperimental mineralogiya in-ti direktori) ishlagan. Qozogʻiston, Sharqiy Sibir, Ural va Oʻrta Osiyodagi tokembriy togʻ jinslari va u bilan bogʻliq foydali qazilma konlari ustida i. t. ishlari olib borgan. Mineral hosil boʻlish jarayonlari nazariyasining fizik-kimyoviy asoslarini ishlab chiqqan. Korjinskiy skarn hosil boʻlishining bimetasomatik va kontaktli-infiltratsiya va eritmalarning kislota-asosli gidrotermal tadriji nazariyasini taqlif qilgan. Korjinskiy bir qancha xorijiy ilmiy jamiyat va akademiyalarning aʼzosi. Davlat mukofoti laureati (1946,1958, 1975). Korjinskiy nomiga korjinskit minerali qoʻyilgan.
As: Teoriya metasomaticheskoy zonalnosti, M., 1969; Teoreticheskiye osnovы analiza paragenezisov mineralov, M., 1973.