KORIOLIS

KORIOLIS (Coriolis) Gyustav Gaspar (1792—1842) — fransuz matematigi va mexanigi. Parij FA aʼzosi (1836). Parij politexnika maktabini boshqargan (1838-y. dan). «Qattiq jismlar mexanikasi va mashinalarni hisoblashga doir traktat» (1829) va «Jismlar tizimining nisbiy harakati tenglamalari haqida» (1835) nomli asarlarida Koriolis nisbiy harakat nazariyasini asoslab berdi (q. Koriolis kuchi, Koriolis tezlanishi).