❓Ko‘krak bezidan ajralmalar ajralishining sababi nima?
✅ Ko‘krak bezidan ajralmalar ajralishi ayol organizmidagi gormonlar ta’siri ostida bo‘lib, buning asosiy sabablaridan biri prolaktin gormonining ortib borishi bilan bog‘liq. Kasallikning turli darajalari bo‘lib, bunda ajralmalar miqdori ham turlicha bo‘ladi.
🔹Prolaktin miqdorining ortishiga gipofiz bezining xavfsiz o‘smalari, gipotirioz (qalqonsimon bez funksiyasining pasayishi), buyrak va jigar kasalliklari, doimiy stress, surunkali charchash, dori vositalari, buyrak usti bezi po‘stlog‘i disfunksiyasi, B6 vitaminining kamayishi sabab bo‘ladi.
💢 Ushbu holat kuzatilganda endokrinologga murojaat qilish, kasallik sababini aniqlash zarur. Davolashning bir nechta turi mavjud bo‘lib, kasallik sababi va darajasiga ko‘ra belgilanadi.
