KOʻKALTOSH, Koʻkaldosh — 1) umu-man olganda, rizoʼiy (emishgan) bi-rodarlar, yaʼni biror doya (evaga)ni uning oʻgʻli bilan birgalikda emgan begona bola. Shunga koʻra, podshohning rizoʼiyʻ birodariga «Koʻkaltoshxon» degan laqab berilgan. Koʻkaltosh istilohi, «Gʻiyos ul-lugʻat» («Lugʻatlar madadkori»)da aytilishicha, turkiy «koʻka» («evaganing oʻgʻli») va «tosh» yoki «dosh» («sherik») soʻzlaridan iboratdir. Bu ikki soʻz orasidagi «l» harfi esa keyinchalik qoʻshilib qolgan boʻlib, ilgari boʻlmagan. «Koʻka»(«aka») soʻzi hoz. gacha qozoq tilida qoʻllanilib keladi;
2) oʻrta asrlarda Turkistonda, xususan, Buxoro xonligida mamlakat ichki xavfsizligini taʼminlash ishlari b-n shugʻullanuvchi amaldor.