Клавонир

ҚЎЛЛАШ БЎЙИЧА ЙЎРИҚНОМА

КЛАВОНИРТМ

CLAVONIR

Препаратнинг савдо номи: Клавониртм 

Таъсир этувчи модда (ХПН): амоксициллин, клавулан кислотаси (amoxicillin, clavulanic acid)

Дори шакли: инъекцион эритма тайёрлаш учун кукун 

Таркиби:

КлавонирТМ 600 мг: ҳар бир флакон натрийли тузи шаклида 500 мг амоксициллин ва калийли тузи шаклида 100 мг клавулан кислотаси сақлайди. Нисбати 5:1 ни ташкил қилади.

КлавонирТМ 1200 мг: ҳар бир флакон натрийли тузи шаклида 1000 мг амоксициллин ва калийли тузи шаклида 200 мг клавулан кислотаси сақлайди. Нисбати 5:1 ни ташкил қилади.

Таърифи: оқ ёки деярли оқ рангли кукун. 

Фармакотерапевтик гуруҳи: антибактериал препаратлар (пенициллинларни бета-лактамаза ингибиторлари билан мажмуаси). 

АТХ коди: J01CR02. 

Фармакологик хусусиятлари

Амоксициллин бактерияларнинг ҳужайра деворини интеграл структур компоненти ҳисобланган пептидогликан биосинтези жараёнида иштирок этувчи бир ёки ундан ортиқ ферментларни (кўпинча пенициллинни боғловчи оқсиллар деб номланувчи) ингибиция қилувчи ярим синтетик пенициллин (бета-лактам антибиотик) ҳисобланади. Пептидогликаннинг синтезини ингибиция қилиниши ҳужайра деворининг бутунлигини бузилишига олиб келади, бу одатда ҳужайрани лизиси ва нобуд бўлишига олиб келади. 

Амоксициллин унга резистент бактериялар ишлаб чиқарувчи бета-лактамазалар таъсирида парчаланади, шунинг учун кўрсатилган ферментларни ишлаб чиқарувчи микроорганизмларга нисбатан фаол эмас. 

Клавулан кислотаси тузилиши жиҳатидан пенициллинларга ўхшаш бета-лактам ҳисобланади. У айрим бета-лактамазаларни фаолсизлантиради, шу билан амоксициллинни фаолсизланишини олдини олади. Клавулан кислотасининг ўзи клиник жиҳатдан антибактериал самара кўрсатмайди. 

Минимал сусайтирувчи концентрация (МБК) дан юқори концентрацияда тутиб туриш вақти (Т > МБК) амоксициллиннинг асосий детерминант самарадорлиги сифатида қабул қилинган. 

Резистентликни ривожланиш механизмлари 

Амоксициллин/клавулан кислотасига нисбатан резистентликни ривожланишининг иккита асосий механизми: 

• клавулан кислотасининг ингибирловчи таъсирига сезгир бўлмаган бактериал бета-лактамазалар, шу жумладан В, С ва D синфига мансуб бета-лактамазалар томонидан уларни фаолсизланиши; 
• антибактериал препаратлар билан пенициллинни боғловчи оқсиллар орасидаги яқинликни пасайтирувчи пенициллинни боғловчи оқсилларни ўзгариши.

Бактерияларнинг деворини антибиотикни ўтказмаслиги ёки бактерияларнинг ҳужайрасидан препаратни фаол чиқариб ташланиш механизмлари резистентликни бевосита сабаби бўлиши ёки, айниқса, грамманфий бактерияларда уни ривожланишига ёрдам бериши мумкин. 

Сезувчанликнинг чегаралари 

Амоксициллин/клавулан кислотасининг сезувчанлик МБК бўйича чегаралари антибиотикка сезувчанликни баҳолаш бўйича Европа қўмитаси (EUCAST) томонидан белгиланган чегараларга мос келади. 

Микроорганизмларнинг айрим турлари учун резистентликни тарқалиши географик ва вақт боғлиқлиги билан характерланади, шу сабабли даволашни бошлашдан олдин, айниқса оғир инфекцияларда антибиотикка чидамлилик бўйича маҳаллий маълумотларни олиш мақсадга мувофиқдир. Антибиотикларга резистентлик хусусидаги маҳаллий кўрсаткичлари ҳеч бўлмаганда баъзи турдаги инфекцияларда препаратнинг фойдаси шубҳа остида бўлган ҳолларда ёрдам учун тегишли мутахассисларга мурожаат қилиш керак. 

Одатдаги сезгир турлар 

Граммусбат аэроблар: Enterococcus faecalis, Gardnerella vaginalis, Staphylococcus aureus (метициллинга чидамли штаммлари)£, Streptococcus agalactiсae, Streptococcus pneumonia1, Streptococcus pyogenes ва бошқа бета-гемолитик стрептококклар, Streptococcus viridans гуруҳи. 

Грамманфий аэроблар: Actinobacillus actinomycetemcomitans, Capnocytophaga spp., Eikenella corrodens, Haemophilus influenza2, Moraxella catarrhalis, Neisseria gonorrhoeae§, Pasteurella multocida. 

Анаэроблар:  Bacteroides fragilis, Fusobacterium nucleatum, Prevotella spp.

Орттирилган чидамлилик ривожланиши мумкин бўлган турлар 

Граммусбат аэроблар:  Enterococcus faecium$

Грамманфий аэроблар: Escherichia coli, Klebsiella oxytoca, Klebsiella pneumonia, Proteus mirabilis, Proteus vulgaris

Табиий чидамлилиги бўлган турлар 

Грамманфий аэроблар: Acinetobacter spp. Citrobacter freundii, Enterobacter spp., Legionella pneumopnila, Morganella morganii, Providencia spp., Pseudomonas spp., Serratia spp., Stenotrophomas maltophilia

Бошқа микроорганизмлар: Chlamydia pneumonia, Chlamydia psittaci, Caxiella burnetti, Mycoplasma pneumoniae.

$ Орттирилган чидамлилик механизми йўқлигида, табиий оралиқ сезувчанлик. 

£ Метициллинга чидамли барча стафилококклар амоксициллин/клавулан кислотасига ҳам чидамлидир. 

• Бета-лактамазаларга боғлиқ бўлмаган, амоксициллинга чидамлилиги бўлган барча штаммлар амоксициллин/клавулан кислотасига чидамлидир. 

1 Streptococcus pneumonia нинг пенициллинга чидамли штаммлари чақирган инфекцияларни, препаратнинг ушбу дори шакли билан даволаш мумкин эмас (“Қўллаш усули ва дозалари” ва “Махсус кўрсатмалар” га қаранг). 

2 Европа Ҳамжамиятининг айрим мамлакатларида 10% дан юқори частотада учрайдиган, сезувчанлиги паст штаммлари аниқланган. 

Фармакокинетикаси 

Соғлом кўнгиллиларга амоксициллин/клавулан кислотасини 500 мг/100 мг ёки
1000 мг/200 мг дозаларда вена ичига болюс равишда юборилганида, зардобда ўртача максимал концентрацияси мувофиқ равишда амоксициллин учун 32,2 ва 105,4 мкг/мл ни ва клавулан кислотаси учун 10,5 ва 28,5 мкг/мл ни ташкил қилган. Т1/2 кўрсаткичлари мувофиқ равишда амоксициллин учун 1,07 ва 0,9 соатни ва клавулан кислотаси учун 1,12 ва 0,9 соатни ташкил қилган. AUC қиймати мувофиқ равишда амоксициллин учун 25,5 ва 76,3 соат мг/л ва клавулан кислотаси учун 9,2 ва 27,9 соат мг/л ни ташкил қилган. Сийдик билан чиқарилиши эса (%, 0 соатдан 6 соатгача) мувофиқ равишда амоксициллин учун 66,5 ва 77,4 ни ва клавулан кислотаси учун 46,0 ва 63,8 ни ташкил қилган. 

Плазмадаги клавулан кислотасининг умумий миқдорини тахминан 25% ва амоксициллиннинг умумий миқдорини тахминан 18% оқсиллар билан боғланган ҳолда бўлади. Тахминий тақсимланиш ҳажми амоксициллин учун тахминан 0,3-0,4 л/кг ва клавулан кислотаси учун тахминан 0,2 л/кг ни ташкил қилади. 

Вена ичига юборилганидан сўнг амоксициллин ва клавулан кислотаси қовуқ, қорин девори тўқималари, тери, ёғ тўқимаси, мушак тўқималари, синовиал ва перитонеал суюқликларда, ўт-сафро ва йирингда аниқланади. Амоксициллин орқа мия суюқлигига етарли даражада кирмайди. 

Клиникада тадқиқотларида ҳар иккала фаол моддаларнинг ҳосилаларини аҳамиятли аҳамиятли даражада тутилиши хусусида хеч-қандай далиллар олинмаган. Амоксициллин кўпчилик пенициллинлар каби кўкрак сутига ўтади. Клавулан кислотасининг жуда оз миқдори ҳам кўкрак сутида аниқланади (“Ҳомиладорлик ва эмизиш” бўлимига қаранг). 

Амоксициллин дастлабки дозасининг максимум 10-25% га эквивалент бўлган ҳажмларда нофаол пеницил кислотаси шаклида сийдик билан қисман чиқарилади. Клавулан кислотаси одам организмида жадал метаболизмга учрайди, сийдик ва ахлат билан, шунингдек нафас билан карбонат ангидриди ҳолида чиқарилади. 

Амоксициллин/клавулан кислотасининг мажмуаси соғлом шахсларда ўртача ярим чиқарилиш даври тахминан бир соат ва ўртача умумий клиренси тахминан соатига 25 л билан ифодаланади. Препарат 500/100 мг ёки 1000/200 мг дозаларда вена ичига болюс ҳолда бир марта юборилганидан сўнг амоксициллиннинг тахминан 60-70% ва клавулан кислотасининг тахминан 40-65% биринчи 6 соат давомида сийдик билан ўзгармаган ҳолда чиқарилади. Турли тадқиқот натижаларига мувофиқ 24 соатлик давр давомида сийдик билан чиқарилиш даражаси амоксициллин учун 50-85% ва клавулан кислотаси учун 27-60% ни ташкил қилади. Клавулан кислотасининг максимал ҳажми препарат юборилганидан кейин биринчи 2 соат давомида чиқарилади. 

Ёш 

3 ойликдан 2 ёшгача бўлган болалар, каттароқ ёшдаги болалар ва катталарда амоксициллиннинг ярим чиқарилиш даври бир хил. Жуда кичик ёшдаги болаларга (шу жумладан чала туғилган чақалоқларга) ҳаётининг биринчи ҳафтасида буйраклар орқали чиқариш йўли етилмаганлиги сабабли препаратни кунига икки мартадан ортиқ юбориш мумкин эмас. Кекса ёшдаги шахсларда буйраклар фаолиятини пасайиш эҳтимоли ошганлиги сабабли, препаратнинг дозасини эҳтиёткорлик билан танлаш керак, шунингдек буйраклар фаолиятини мониторинг қилиш талаб қилиниши мумкин. 

Буйраклар фаолиятини бузилиши 

Амоксициллин/клавулан кислотасининг плазмадан умумий клиренси буйраклар фаолиятини пасайишига пропорционал равишда пасаяди. Клиренсини пасайиши клавулан кислотасига нисбатан амоксициллинда яққолроқ кузатилади, чунки амоксициллиннинг кўпроқ қисми буйраклар орқали чиқарилади. Шундай қилиб, буйрак етишмовчилигида ишлатиладиган дозалари клавулан кислотасини адекват даражада тутиб туришда амоксициллинни ҳаддан ташқари кўп тўпланишига тўсқинлик қилиши керак (“Қўллаш усули ва дозалари” га қаранг). 

Жигар етишмовчилиги 

Жигар етишмовчилиги бўлган пациентларни даволаш эҳтиёткорлик билан амалга оширилади, жигар фаолиятини мунтазам мониторинг қилиш талаб қилинади. 

Қўлланилиши 

Клавониртм катталар ва болаларда қуйидаги инфекцияларни даволаш учун қўлланади: 

• оғир отоларингологик инфекциялар (масалан, мастоидит, перитонзилляр абсцесс, эпиглоттит, касалликнинг тизимли кўринишларини оғир белгилари бўлган синусит); 
• сурункали бронхитни зўрайиши (мувофиқ равишда ташхис қўйилганида); 
• касалхонадан ташқари пневмония; 
• цистит; 
• пиелонефрит; 
• тери ва юмшоқ тўқималарнинг инфекциялари, хусусан тери ости ёғ клетчаткасини яллиғланиши, ҳашоротларни чақиши, тишларнинг тарқалган флегмонали оғир абсцесслари; 
• суяк ва бўғимларнинг инфекциялари, хусусан остеомиелит; 
• интраабдоминал инфекциялар; 
• аёлларда жинсий аъзолар инфекциялари. 

Катта ёшдаги шахсларда йирик жарроҳлик аралашувлари, жумладан қуйидаги соҳаларда ўтказилган операциялар билан боғлиқ инфекцияларни олдини олиш: 

• меъда-ичак йўллари; 
• чаноқ бўшлиғи; 
• бош ва бўйин; 
• ўт йўллари. 

Антибактериал препаратларни мувофиқ равишда қўллаш бўйича расмий қўлланмаларни ҳисобга олиш керак. 

Қўллаш усули ва дозалари

Агар дозаси алоҳида компонентининг миқдорига мос келиши кўрсатилмаган бўлса, дозалар амоксициллин/клавулан кислотасининг миқдорини кўрсатади. 

Алоҳида инфекцияларни даволаш учун Клавонирнинг дозасини танлаш қуйидаги омилларга асосланиши керак: 

• тахмин қилинган қўзғатувчилар ва уларни антибактериал препаратларга сезувчанлиги; 
• инфекциянинг оғирлиги ва локализацияси; 
• пациентнинг ёши, оғирлиги ва буйраклар фаолияти. 

Клавониртмнинг бошқа дори шаклларини (масалан, амоксициллиннинг юқорироқ дозалари ва/ёки амоксициллин/клавулан кислотасининг бошқача нисбати) қўллаш мумкинлиги заруратга қараб кўриб чиқилади. 

Клавониртмни ушбу дори шакли қуйида келтирилган тавсияларга мувофиқ қўлланганида амоксициллиннинг умумий суткалик дозаси 3000 мг ва клавулан кислотасиники 600 мг бўлишини таъминлайди. Амоксициллиннинг юқори суткалик дозаларини қўллаш зарурати бўлганида, клавулан кислотасининг кўзда тутилмаган юқори суткалик дозаларини юборишни олдини олиш мақсадида, амоксициллин/клавулан кислотасининг вена ичига юбориладиган бошқа дори шаклини танлаш тавсия қилинади. 

Даволаш давомийлиги пациентнинг даволашга жавоб реакциясига қараб аниқланади. Айрим инфекциялар (масалан, остеомиелит) узоқроқ даволашни талаб этади. Даволаш давомийлиги препаратнинг дозасини тўғриламасдан 14 кундан ошмаслиги керак (“Махсус кўрсатмалар” бўлимидаги даволаш давомийлиги ҳақидаги маълумотга қаранг). 

Амоксициллин/клавулан кислотасини юбориш частотаси бўйича маҳаллий қўлланмаларни ҳисобга олиш керак. 

Катталар ва тана вазни ≥ 40 кг болалар 

“Терапевтик кўрсатмалар” бўлимида келтирилган инфекцияларни даволаш: 1000 мг/200 мг дан ҳар 8 соатда юборилади. 

Интраоперацион профилактика 

Давомийлиги 1 соатдан кам бўлган жарроҳлик аралашувларида наркозга кириш вақтида тавсия қилинган 1000 мг/200 мг дан 2000 мг/200 мг гача дозаларда юборилади
(2000 мг/200 мг дозага амоксициллин/клавулан кислотасини вена ичига юбориладиган бошқа дори шакллари ҳисобига эришлиши мумкин). 

Давомийлиги 1 соатдан ортиқ бўлган жарроҳлик аралашувларида наркозга кириш вақтида тавсия қилинган 1000 мг/200 мг дан 2000 мг/200 мг гача дозаларда, максимум 24 соат давомида 1000 мг/200 мг дозада уч марта юборилади. Операция вақтида инфекциянинг аниқ клиник белгиларини аниқлаш операциядан кейинги даврда антибиотикларни вена ичига юбориш ёки оғиз орқали қабул қилишни одатдаги курсини ўтказиш заруратини билан ифодаланади. 

Тана вазни < 40 кг бўлган болалар 

Тавсия қилинган дозалари: 

• 3 ойликдан катта болалар: тана вазнига 25 мг/5 мг дан ҳар 8 соатда юборилади. 
• 3 ойликкача ёки тана вазни 4 кг дан кам бўлган болалар: тана вазнига 25 мг/5 мг дан ҳар 12 соатда юборилади. 

Кекса ёшдаги шахслар 

Дозага тузатиш киритиш талаб қилинмайди. 

Буйрак етишмовчилиги 

Дозага тузатиш киритиш амоксициллинни тавсия қилинган максимал даражасига асосланган. 

Креатинин клиренси кўрсаткичлари минутига 30 мл дан юқори бўлган пациентларда дозага тузатиш киритиш талаб қилинмайди. 

Катталар ва тана вазни ≥ 40 кг болалар 

Тана вазни < 40 кг бўлган болалар 

Жигар етишмовчилиги 

Даволаш эҳтиёткорлик билан олиб борилади. Жигар фаолиятини мунтазам равишда мониторинг қилиш шарт (“Қўллаш мумкин бўлмаган ҳолатлар” ва “Махсус кўрсатмалар” га қаранг). 

Қўллаш усули 

Вена ичига юбориш учун мўлжалланган. 

Препарат венага тўғридан-тўғри 3-4 минут давомида вена ичига секин инъекция ҳолида, ёки томчилагич орқали 30-40 минут давомида инфузия ҳолида юборилади. 

Препарат мушак ичига юбориш учун мўлжалланмаган. 

Уч ойликдан кичик бўлган болаларга Клавониртмни фақат инфузия ҳолида юбориш мумкин. 

Клавониртм билан даволашни вена ичига юбориладиган дори шакли билан бошлаш мумкин, агар конкрет бир пациент учун мақсадга мувофиқ деб ҳисобланса, перорал дори шакли билан тугатиш мумкин. 

Суюлтириш 

Вена ичига инъекция қилиш учун 

КлавонирТМ 600 мг: флаконнинг ичидагиси 10 мл инъекция учун сувда суюлтирилади. 

КлавонирТМ 1200 мг: флаконнинг ичидагиси 20 мл инъекция учун сувда суюлтирилади.

Суюлтирилган эритма оч-сомон ранггида бўлади. 

Вена ичига юбориладиган инъекциялар суюлтирилгандан сўнг секин 20 минут давомида (3-4 минут давомида) юборилади. Вена ичига юбориш учун фақат тиниқ эритма яроқлидир. 

Вена ичига инфузия қилиш учун 

Клавониртм 600 мг суюлтирилган эритмага (10 мл инъекция учун сувда) 50 мл инфузион эритма, Клавониртм 1200 мг суюлтирилган эритмага эса (20 мл инъекция учун сувда) 100 мл инфузион эритма қўшилади. 

Суюлтирилган эритма оч-сариқ рангли бўлади. 

Инфузиянинг давомийлиги тахминан 30-40 минутни ташкил қилади. 

Ножўя таъсирлари 

Ножўя самараларни ривожланиш тез-тезлигини таснифлаш учун қуйидаги мезонлардан фойдаланилган: жуда тез-тез (≥1/10), тез-тез (≥1/100 дан <1/10 гача), тез-тез эмас (≥1/1000 дан <1/100 гача), кам (≥1/10000 дан <1/1000 гача), жуда кам (<1/10000), тез-тезлиги номаълум (маълум бўлган маълумотлар бўйича баҳолаш мумкин эмас). 

Энг кўп кузатиладиган ножўя ножўя реакцияларга диарея, кўнгил айниши ва қусиш киради. 

Инфекцион ва паразитар касалликлар: 

Тез-тез: тери ва шиллиқ қаватлар кандидози; 

Тез-тезлиги номаълум: сезувчан бўлмаган микроорганизмларни ҳаддан ташқари кўпайиши; 

Қон ва лимфа тизими томонидан бузилишлар: 

Кам ҳолларда: қайтувчан лейкопения (жумладан нейтропения), тромбоцитопения; 

Тез-тезлиги номаълум: қайтувчан агранулоцитоз, гемолитик анемия, қон кетиш вақти ва протромбин вақтини узайиши; 

Иммун тизим томонидан бузилишлар: 

Тез-тезлиги номаълум: ангионевротик шиш, анафилаксия, зардоб касаллигига ўхшаш синдром, ўта юқори сезувчанлик васкулити; 

Нерв тизими томонидан бузилишлар: 

Тез-тез эмас: бош айланиши, бош оғриғи; 

Тез-тезлиги номаълум: тиришишлар; 

Меъда-ичак йўллари томонидан бузилишлар: 

Тез-тез: диарея; 

Тез-тез эмас: кўнгил айниши, қусиш, овқатни ҳазм бўлмаслиги; 

Тез-тезлиги номаълум: антибиотикларни қўлланиши оқибатидаги қўзғатган колит (шу жумладан сохта мембраноз колит ва геморрагик колит, “Махсус кўрсатмалар”га қаранг); 

Жигар ва ўт чиқариш йўллари томонидан бузилишлар 

Тез-тез эмас: АСТ ва АЛТ даражаларини ошиши (ўртача ошиши бета-лактам антибиотикларини олган пациентларда кузатилган, бироқ бу кузатишларни қиймати номаълум); 

Тез-тезлиги номаълум: гепатит, холестатик сариқлик (бу ножўя кўринишлар бошқа пенициллинлар ва цефалоспоринларни қўллаш фонида кузатилган, “Махсус кўрсатмалар”га қаранг); 

Тери ва тери ости тўқималари томонидан бузилишлар 

Терида ҳар қандай ўта юқори сезувчанлик реакциялари ривожланганида даволашни тўхтатиш керак (“Махсус кўрсатмалар”га қаранг); 

Тез-тез эмас: тери тошмалари, қичишиши, эшакеми; 

Кам ҳолларда: кўп шаклли эритема; 

Тез-тезлиги номаълум: Стивенс-Джонсон синдроми, токсик эпидермал некролиз, буллез эксфолиатив дерматит, ўткир тарқоқ экзантематоз пустулез (ЎТЭП) (“Махсус кўрсатмалар”га қаранг); 

Буйраклар ва сийдик чиқариш йўллари томонидан бузилишлар: 

Тез-тезлиги номаълум: интерстициал нефрит, кристаллурия. 

Қўллаш мумкин бўлмаган ҳолатлар

Фаол моддаларга ва ҳар қандай пенициллинларга ўта юқори сезувчанлик. 

Бошқа бета-лактам препаратларига (масалан, цефалоспоринлар, карбапенемлар ёки монобактамларга) зудлик билан кечувчи оғир ўта юқори сезувчанлик реакциялари. 

Сариқлик ёки анамнезида амоксициллин/клавулан кислотасини қўллаш фонида жигарни бошқа шикастланиши. 

Дориларнинг ўзаро таъсири

Перорал антикоагулянтлар 

Амоксициллин билан даволаш курси фонида аценокумарол ёки варфарин билан тутиб турувчи даволаш олаётган пациентларда халқаро меъёрлаштирилган нисбатни ошиш ҳоллари адабиётда ёритилган. Бир вақтда буюриш зарурати туғилганда даволашни бошлаш вақтида ва амоксициллин бекор қилинганида протромбин вақти ёки халқаро меъёрлаштирилган нисбатни синчиклаб мониторинг қилиш керак. Бундан ташқари, перорал антикоагулянтларнинг дозаларини тўғрилаш талаб қилиниши мумкин. 

Метотрексат 

Пенициллинлар метотрексатнинг чиқарилишини пасайтириши мумкин, бу заҳарланишни кучайиши билан кечади. 

Пробенецид 

Пробенецидни бир вақтда қўллаш тавсия этилмайди. Пробенецид буйрак каналчаларида амоксициллинни секрециясини пасайтиради. Уни Клавониртм билан бир вақтда қўллаш қонда амоксициллиннинг даражасини (аммо клавулан кислотасини эмас) ва уларни узоқ вақт ушланиб қолишига олиб келиши мумкин. 

Номутаносиблиги 

Глюкоза, декстран ёки бикарбонатларни сақловчи инфузион эритмаларда Клавониртмни барқарорлиги камроқ. 

Бошқа дори воситалари билан аралаштирилмасин. 

Амоксициллинни аминогликозидларга нисбатан фаолсизлантирувчи таъсири сабабли, уларни in vitro шароитда аралаштиришдан сақланиш керак. 

Махсус кўрсатмалар

Даволашни бошлашдан олдин пенициллинлар, цефалоспоринлар ёки бошқа бета-лактам препаратларига ўта юқори сезувчанлик реакцияларини борлиги юзасидан анамнезни синчковлик билан йиғиш керак. 

Пенициллинлар билан даволаш фонида жиддий ва гоҳида ўлимга олиб келувчи ўта юқори сезувчанлик реакциялари (анафилактоид реакциялар) кузатилган. Улар кўпроқ анамнезида атопияси ва пенициллинларга ўта юқори сезувчанлик реакциялари бўлган пациентларда ривожланади. Аллергик реакциялар ривожланганида Клавониртм билан даволашни тўхтатиш ва бошқа мувофиқ келувчи антибактериал препаратларни буюриш керак. 

Амоксициллинга инфекция қўзғатувчиларни сезувчанлиги исботланган ҳолларда расмий қўлланмаларга мувофиқ Клавониртмга ўтиш вариантини кўриб чиқиш керак. 

Агар тахмин қилинаётган қўзғатувчилар клавулан кислотасининг ингибирловчи таъсирига сезгир бўлган, бета-лактамазалар билан боғлиқ бўлмаган, бета-лактам препаратларга резистентлик хавфи юқори бўлса, препаратнинг ушбу дори шакли қўллаш учун яроқсиздир. Т>МБК (минимал сусайтирувчи концентрация) бўйича тегишли маълумотларни йўқлиги, ўхшаш перорал дори шаклларини баҳолаш натижаларининг моҳияти чекланганлиги сабабли, ушбу дори шакли (амоксициллинни қўшимча юбормасдан) S.pneumoniae нинг пенициллинга резистент штаммлари чақирган инфекцияларни даволаш учун потенциал равишда яроқли эмас. 

Буйраклар фаолияти бузилган ёки препаратнинг юқори дозалари билан даволанаётган пациентларда тиришишлар ривожланиши мумкин. 

Инфекцион мононуклеозга гумон қилинган ҳолларда, Клавониртм билан даволашга йўл қўймаслик керак, чунки касалланиш вақтида амоксициллин қўллангандан сўнг қизамиққа ўхшаш тошмаларни пайдо бўлиши кузатилган. 

Амоксициллин билан даволаш вақтида аллопуринолни бирга қўлланиши терида аллергик реакцияларни ривожланиш эҳтимолини потенциал оширади. 

Препаратни узоқ вақт қўллаш баъзан сезувчан бўлмаган микроорганизмларни ҳаддан ташқари ривожланишига олиб келиши мумкин. 

Даволашни бошланишида пустулали инфекцион тарқоқ эритемани ривожланиши ўткир тарқоқ экзантематоз пустулезнинг (ЎТЭП) потенциал симптоми ҳисобланади (“Ножўя таъсирлари”га қаранг). Бундай реакция Клавониртм билан даволашни тўхтатишни талаб қилади ва кейинчалик амоксициллинни юборишга қарши кўрсатма ҳисобланади. 

Жигар етишмовчилиги бўлган пациентларда препарат билан даволаш эҳтиёткорлик билан ўтказилиши керак. 

Жигар томонидан кузатиладиган ножўя кўринишлар асосан эркаклар ва кекса ёшдаги пациентларда кузатилган ва узоқ муддатли даволаш билан потенциал боғлиқ бўлган. Бу нохуш кўринишлар болаларда жуда кам ҳолларда кузатилган. Барча гуруҳ пациентларда белгилар ва симптомлар одатда даволаш вақтида ёки даволашдан сўнг қисқа муддатда кузатилади, бироқ айрим ҳолларда улар даволаш тўхтатилганидан сўнг бир неча ҳафта давомида намоён бўлмайди. Одатда улар қайтувчан характерга эга. Жигар томонидан оғир нохуш кўринишлар ривожланиши мумкин, жуда кам ҳолларда ўлим ҳоллари кузатилган. Улар амалда ҳамиша жиддий асосий касалликлари бўлган ёки жигарни шикастлаш қобилиятига эга дори препаратларни бирга қабул қилган пациентлар орасида кузатилган (“Ножўя таъсирлари”га қаранг).

Деярли барча антибактериал препаратлар, жумладан амоксициллин билан даволаш фонида кузатиладиган антибиотикни қўлланиши билан боғлиқ колит оғирлиги бўйича енгилдан ҳаётга хавф солувчи даражагача бўлиши мумкин (“Ножўя таъсирлари”га қаранг). Шундай қилиб, бу ташхисни антибиотиклар билан даволаш вақтида ёки ҳар қандай даволаш курси тугаганидан сўнг диарея бўлган пациентларда бўлишига тахмин қилиш муҳимдир. Антибиотикларни қўлланиши билан боғлиқ колит ривожланганда Клавониртм билан даволашни дарҳол тўхтатиш керак; шифокорнинг маслаҳати олинади ва тегишли даволаш чоралари буюрилади. Ушбу вазиятларда ичак перистальтикасини сусайтирувчи воситаларни қабул қилиш мумкин эмас. 

Узоқ муддат даволаш вақтида турли аъзолар тизимини, шу жумладан буйраклар, жигар ва қон яратиш аъзолари фаолиятини вақти-вақти билан баҳолаш тавсия қилинади. 

Кам ҳолларда амоксициллин/клавулан кислотасини қабул қилиш фонида протромбин вақтини узайиши кузатилган. Антикоагулянтларни бир вақтда қабул қилинганда албатта яхши мониторинг ўтказилиши шарт. Антикоагуляциянинг исталган даражасига эришиш учун перорал антикоагулянтларнинг дозаларини тўғрилаш талаб қилиниши мумкин. 

Буйрак етишмовчилиги бўлган пациентларда, етишмовчилик даражасига мувофиқ равишда препаратнинг дозасини тўғрилаш керак (“Қўллаш усули ва дозалари”га қаранг). 

Диурези пасайган пациентларда кам ҳолларда, асосан парентерал даволаш фонида кристаллурия кузатилган. Амоксициллиннинг юқори дозалари билан даволаш вақтида амоксициллинни қўлланиши билан боғлиқ кристаллурияни ривожланиш эҳтимолини пасайтириш мақсадида етарли миқдорда суюқлик ичиш тавсия қилинган. Қовуғига катетер ўрнатилган пациентларда унинг ўтказувчанлигини мунтазам равишда назорат қилиш керак. 

Глюкозурияни даволаш вақтида глюкозанинг даражасини баҳолашни глюкозооксидаза билан ўтказилган ферментатив усуллар ёрдамида баҳоланади, чунки ноферментатив усуллар баъзан сохта мусбат натижаларни бериши мумкин. 

Клавониртмда клавулан кислотасини бўлиши IgG ва альбуминни эритроцитларнинг мембраналари билан носпецифик боғланишини чақириши мумкин, бу Кумбс синамасининг сохта мусбат натижаларига сабаб бўлиши мумкин. 

Препарат билан даволанган пациентларда Aspergillus ИФА синамаларида сохта мусбат натижалар олинганлиги кузатилган, кейинчалик пациентларда Aspergillus чақирган инфекцияни йўқлиги аниқланган. Aspergillus ИФА синамалари доирасида аспергилез бўлмаган полисахаридлар ва полифуранозлар билан кесишган реакциялар кузатилган. Шундай қилиб, Клавониртм билан даволанаётган пациентларда мусбат натижаларни эҳтиёткорлик билан таҳлил қилиш ва бошқа диагностика усуллари билан тасдиқланиши керак. 

Клавониртм 1200 мг инъекцион эритма тайёрлаш учун кукун 1 ммоль (39 мг) калий сақлайди. Буни буйраклар фаолияти сусайган пациентларда ёки калийнинг миқдорини назорат қилинувчи парҳезга риоя қиладиган пациентларда инобатга олиш керак. 

Клавониртм 600 мг инъекцион эритма тайёрлаш учун кукун 1 ммоль (39 мг) дан кам калий сақлайди, яъни умуман олганда калийсиз маҳсулот ҳисобланади. 

Клавониртм 1200 мг инъекцион эритма тайёрлаш учун кукун тахминан 2,7 ммоль (63 мг) натрий сақлайди. Буни натрийнинг миқдори назорат қилинувчи парҳезга риоя қиладиган пациентларда инобатга олиш керак. 

Клавониртм 600 мг инъекцион эритма тайёрлаш учун кукун тахминан 1,4 ммоль (31,5 мг) натрий сақлайди. Буни натрийнинг миқдори назорат қилинувчи парҳезга риоя қиладиган пациентларда инобатга олиш керак. 

Ҳомиладорлик ва эмизиш 

Клиникагача бўлган тадқиқотларда ҳомиладорлик, эмбрионал/фетал ривожланиш, туғруқ жараёни ёки постнатал ривожланишга препаратнинг бевосита ёки билвосита нохуш таъсирлари аниқланмаган. Одамда ҳомиладорлик даврида амоксициллин/клавулан кислотасини қўллаш юзасидан чекланган маълумотлар туғма нуқсонлар ривожланиш хавфи ошганини қайд этмаганлар. Ҳомила пардаларини муддатидан олдин ёрилиши қайд қилинган аёллар иштирокидаги ягона тадқиқот доирасида амоксициллин/клавулан кислотаси билан профилактик даволаш янги туғилган чақалоқларда некротик энтероколитнинг юқори хавфи билан потенциал боғлиқлик аниқланмаган. Агар шифокор ҳомиладорлик даврида препаратни қўллашни зарур деб ҳисобламаса, уни қўллашдан сақланиш керак. 

Ҳар иккала фаол моддаси кўкрак сутига ажралади (эмизикли болаларга клавулан кислотасининг таъсири бўйича маълумотлар йўқ). Шундай қилиб, эмизикли болаларда диарея ва шиллиқ қаватларни замбуруғли инфекциялари ривожланиши мумкин, бу эмизишни тўхтатишни талаб қилиши мумкин. Эмизиш даврида шифокор томонидан фойда/хавф нисбатини баҳолангандан сўнгина амоксициллин/клавулан кислотаси билан даволаш мумкин.

Транспорт воситаларини бошқариш ва механизмлар билан ишлаш қобилиятига таъсири 

Транспорт ва механизмларни бошқариш қобилиятига таъсири бўйича текширишлар ўтказилмаган. Бироқ транспорт воситаларини бошқариш ва механизмлар билан ишлаш қобилиятига потенциал таъсир қилувчи ножўя самаралар (масалан, аллергик реакциялар, бош айланиши, тиришишлар) ривожланиши мумкин. 

Препарат болалар ололмайдиган жойда сақлансин ва яроқлилик муддати ўтгач қўлланилмасин. 

Дозани ошириб юборилиши

Меъда-ичак йўллари томонидан бузилишлар, шунингдек сув-электролит мувозанатини бузилиши ривожланиши мумкин. Баъзан буйрак етишмовчилигига олиб келувчи, амоксициллин қўлланиши билан боғлиқ кристаллурия кузатилган. 

Тиришишлар буйраклар фаолияти бузилган ёки катта дозаларда даволанган пациентларда кузатилиши мумкин. 

Маълум бўлган маълумотларга мувофиқ амоксициллинни асосан вена ичига катта дозаларда юборилганидан сўнг сийдик катетерларида чўкмалар ҳосил бўлади. Катетерларнинг ўтказувчанлигини мунтазам назорат қилиш керак. 

Меъда-ичак йўлларини бузилиш симптомлари бўйича сув-электролит мувозанатини тиклаш билан бирга симптоматик даволаш ўтказиш мумкин. 

Амоксициллин/клавулан кислотаси организмдан гемодиализ ёрдамида чиқарилиши мумкин. 

Чиқарилиш шакли

1 шиша флакон қўллаш бўйича йўриқномаси билан картон қутида.

Сақлаш шароити

25оС дан юқори бўлмаган хароратда сақлансин. 

Суюлтирилган эритмаларни музлатиш мумкин эмас. 

Клавониртмни суюлтирилган эритмаларини 5оС да сақлаш учун олдиндан совутилган инфузион қопчаларга жойланади, шундан сўнг 5оС да 8 соатгача сақлаш мумкин. Эритмани ҳарорати хона ҳароратига етганидан сўнг дарҳол инфузия қилинади. 

Суюлтирилган эритмаларни барқарорлиги (турли инфузион муҳитларда ва турли хароратда): 

Яроқлилик муддати

2 йил.

Дорихоналардан бериш тартиби

Рецепт бўйича берилади.