KERAMZIT-BETON

KERAMZIT-BETON — yengil beton turi; toʻldirgich sifatida keramzit, qovushtirgich sifatida sement, gips, sintetik smolalardan foydalaniladi. K-b. ning issiqlikdan izolyatsiyalovchi, konstruktiv-izolyatsiyalovchi va konstruktiv xillari bor. Ularning hajmiy massalari 350 — 1800 kg/m3, qisilishga mustahkamligi 0,5 — 50 MPa. K-b. dan bino va inshootlarning koʻtaruvchi va toʻsuvchi qurilmalari (konstruksiyalari) tayyorlanadi, shuningdek, kemasozlikda ham ishlatiladi.