Post Views:
27
JO‘N MADANIYATI – Qovunchi madaniyati turlaridan biri. Toshkent vohasidagi Jo‘n kanali bo‘yidan topilgan yodgorliklar (3–4-asrlar).
Jo‘n madaniyati asosan, Sirdaryoning o‘rta oqimi bo‘ylab keng tarqalgan. G.V.Grigoryev, M.E.Voronets, T.G.Obolduyeva va boshqalar qazish ishlari olib borgan (1937–39).
Jo‘n madaniyatiga oid mozorqo‘rg‘onlar, shahar xarobasi tekshirilgan. Turar joylar xom va pishiq g‘ishtdan qurilgan. Aholi dehqonchilik (bug‘doy, tariq, arpa va boshqalar) va chorvachilik bilan shug‘ullangan. Tekshirish natijasida turli rang angob bilan bo‘yalgan sopol idish (ko‘za, xum, xumcha, ho‘qacha, tovoq va boshqalar)lar, temir qilich, xanjar, o‘q yoy uchi, kamon, oyna, turli munchoq taqinchoqlar, o‘g‘ir dasta, qo‘l tegirmon topilgan. Qurollar – hatto ayollar qabrlarida ham uchraydi.
«Toshkent» ensiklopediyasi. 2009 yil
https://shosh.uz/uz/jo-n-madaniyati/