JARQOʻRGʻON

JARQOʻRGʻON — Surxondaryo viloyati Jarqoʻrgʻon tumanidagi shahar (1973). Tuman markazi. 1951-y. da shaharcha sifatida tashkil etilgan. Viloyat markazi — Termizdan 42 km shim. da. Yaqin t. y. stansiyasi — Jarqoʻrgʻondan 2 km. Surxon daryosining oʻng sohilida, 350 m balandlikda joylashgan. Shahar orqali Zang kanali oqib oʻtadi. Aholisi 20,5 ming kishi (2000). Jarqoʻrgʻon nomi qadimda jar yoqasida joylashgan qoʻrgʻon nomidan kelib chiqqan. 8—12-a. larda Jarqoʻrgʻon oʻrnida Charmangan (Sarmangan) sh. boʻlib, arab-fors geografik adabiyotlarida koʻp tilga olingan. 8-a. da arablar, 10-a. da gʻaznaviylar, 11-a. da saljuqiylar, 12-a. 1-yarmida Bomiyon gʻuriylari, 13-a. boshlarida xorazmshohlar qoʻlida, 13-a. oʻrtalarida Chigʻatoy ulusiga kirgan. Oʻsha davrlarda Jarqoʻrgʻon (Charmangan) mavqei jihatidan Termiz sh. dan keyin 2-oʻrinda boʻlgan. Geografik oʻrnining qulayligidan Jarqoʻrgʻon qadimdan muhim xoʻjalik markazi boʻlib kelgan. 1929-y. dat. y. oʻtkazilishi, 30-y. larda bir necha neft konining ochilishi Jarqoʻrgʻon xoʻjaligining tez oʻsishiga sabab boʻldi. Shahar atrofidan neft qazib olinadi. Paxta tozalash, qurilish materiallari z-dlari, «Jarqoʻrgʻon-neft» kon boshqarmasi, neft-kon mashinalarini taʼmirlash ustaxonalari, tikuvchilik f-kasi, avtotransport korxonasi, yoqilgʻi saqlash, q. x. mahsulotlarini qabul qilish omborxonalari mavjud. Jarqoʻrgʻonda maʼmuriy, savdo va madaniy muassasalar, kasalxona, ambulatoriya, oʻrta maktablar, xalq teatri, kutubxona, aloqa boʻlimi, stadion, istirohat va madaniyat bogʻi faoliyat koʻrsatadi.