ISTEʼMOL TOVARLARI

ISTEʼMOL TOVARLARI — inson ehtiyojini qondirishga moʻljallangan isteʼmol buyumlarining tovar shakli; pulga sotib olib, isteʼmol etiladigan moddiy mahsulotlar va har xil xizmatlar. Isteʼmol tovarlari shaxsiy isteʼmolni krndiradi, investitsiya tovarlaridan inson tirikchiligini taʼminlashi bilan farqlanadi, mehnat resurslarini qay-tadan hosil etilishiga sharoit hozirlaydi. Isteʼmol vazifasiga koʻra, Isteʼmol tovarlari oziq-ovqat tovarlari, nooziq-ovqat tovarlari va pulli xizmatlarga boʻlinadi. Bular, uz navbatida, kichik gu-ruhlarga ajratiladi. Isteʼmol tovarlari ichida nooziq-ovqat tovarlari turi kup (ular kimga moʻljallangani, qaysi ehtiyojni qondirishi, isteʼmol etishga qulaylik yaratishga qarab gʻoyat xilma xil buladi va individual did hamda modani nazarda tutadi). Xizmatlardan iborat Isteʼmol tovarlari ham, shartli ravishda, madaniy, maishiy va ijtimoiy xizmatlar kabi turlarga ajratish mumkin.