ISPANIYA MEROSI

ISPANIYA MEROSI — Ispaniya taxti va uning mulklariga egalik qilish hamda Yevropada siyosiy ustunlikka erishish maqsadida olib borilgan urush (1701 — 14). Ispaniyaning soʻnggi Gabsburgi (hukmdori) — Karl II ning vafoti (1700) dan soʻng boshlangan. Fransiya Karl II ning vorisi yoʻkligini bahona qilib Ispaniya taxtiga Lyudovik XIV ning nabirasi Filipp Bur-bonni oʻtqazdi. Shunda Buyuk Britaniya, Gollandiya, Avstriya, Prussiya va b. davlatlar oʻzaro uyushib, mazkur fransuz-ispan ittifoqiga qarshi chikdi. Ikki oʻrtadagi urush Utrext (1713) va Rash-tat (1714) sulh shartnomalari bilan yakunlanib, natijada Ispaniya Yevropa va Shim. Amerikadagi bir qancha mulkidan mahrum boʻldi.