INSTITUT (lot. institum — tartibot, muassasa) — 1) turli ixtisoslashgan oʻquv yurtlari (oʻrta, oliy, malaka oshirish tizimi), i. t., loyihalash va b. muassasalarning nomi;
2) jamiyatdagi ijtimoiy tartibotlarning muayyan doirasini oʻz ichiga olgan huquqiy meʼyorlar majmui. Keng maʼnoda — ijtimoiy turmushni tashkil etuvchi va tartibga solib turuvchi ijtimoiy tuzilmaning bir unsuri — muassasalar, meʼyorlar, qadriyatlar, madaniyat namunalari, qaror topgan feʼl-atvor shakllari majmui: iqtisodiy Institut (mas, mulkchilik, ish haqi), siyosiy Institut (mas, davlat, armiya, partiya), moliyaviy Institutlar (moliya va bank muassasalari) va sh. k.