INCHXON, Chemulpo — Koreya Respublikasidagi shahar. Kyongido provinsiyasida, Sariq dengiz boʻyidagi yirik port, Seul sh. avanporti. Aholisi 2,3 mln. kishi (1995). Transport yoʻllari tuguni va yirik sanoat markazi. Mashinasozlik va metall ishlash (motorsozlik, kemasozlik, metall buyumlar z-di), poʻlat quyish, neftni qayta ishlash va kimyo korxonalari, toʻqimachilik f-kalari, hunarmandchilik ustaxonalari bor. Oyna va chinni buyumlar, azot oʻgʻitlari ishlab chiqariladi.
Hoz. Inchxon oʻrnida dastlabki aholi punkta 1-a. da vujudga kelgan. 14-a. oxiridan Koreyaning savdo markazlaridan boʻlgan. Koreyaning chet el savdosi uchun ochilgan dastlabki portlaridan. Xarbin dengiz bazasi. Inchxon gavanida 1904-y. da ruslarning «Varyag» kreyseri choʻktirib yuborilgan.