HIMOYA ASLAHALARI

HIMOYA ASLAHALARI — jangchilar jangda foydalanadigan himoya vositalari. Qadimda charm koʻkrakpoʻsh, du-bulgʻa, qalqon, sovut, zirh, javshan, jubba, hafton, baktar va boshqalar Himoya aslahalari hisoblangan. Otlar ustiga maxsus yopgʻich — bargustvon yopilgan. Ogʻir Himoya aslahalari 16—17-a. largacha qoʻllangan. 18—19-a. larda Yevropa armiyalarida yengil Himoya aslahalari (kaskalar, kirasalar va b.) udum boʻlgan. 1-jahon urushidan boshlab poʻlat kaska va shlyomlar, kollektiv himoya vositasi sifatida toʻp qalqoni, tank bronyalari va b. qoʻllanadigan boʻldi. Baʼzi zamonaviy armiyalarda poʻlat, neylon va b. koʻkrak «jilet»lari mavjud.