Hech nimaga ishonmaydigan odam baxtsizdir

Viktor Hyugo hikmatlaridan

• Bekorchilik bolalarning baxti, keksalarning baxtsizligidir.
• Oʻzga yurtdagi sayyoh pul solingan qopga oʻxshaydi. Har qanday odam uni boʻshatib olmoqchi boʻladi.
• Odamning buyukligi boʻyi bilan oʻlchanmagani kabi xalqning buyukligi ham soni bilan belgilanmaydi.
• Urush uni keltirib chiqargan yovuzlikdan koʻra yaxshidir.
  
• Jurʼatli boʻling! Juda koʻp muvaffaqiyatlarning u yoki bu qismi jasoratga berilgan mukofotdir.
• Diplomat oʻz maqsadlaridan tashqari sizga nima foydali boʻlsa hammasini oshkor qiladi.
• Boshqa bir dardni keltirib chiqaradigan dard shohona asar yaratilishiga sabab boʻladi. Ishonmayapsizmi? Boʻlmasa sinab koʻring.
• Hayot – bu qoʻshiq, uning naqorati esa oʻlimdir.
• Xushomad – parda ortidan oʻpishday gap.
• Maktab ochish turmani yopishdir.
• Sevgi daraxtga oʻxshaydi: oʻzidan-oʻzi paydo boʻladi, oʻsadi, butun vujudimizga tomir otadi, hatto yuragimizning eng vayrona goʻshalarini ham yashillikka, gulga burkaydi.
• Juda koʻp oshna-ogʻaynilar quyosh soatlariga oʻxshaydi: ular vaqtni faqat nur tushgandagina koʻrsatadi.
• Qilichni sindirish mumkin, gʻoyani mahv etib boʻlmaydi.
• Hech nimaga ishonmaydigan odam baxtsizdir.
• Yer yuzida tili endigina chiqqan bolaning ovozidan koʻra shirinroq madhiyaning oʻzi yoʻq.
• Ikkita fazilat oldida bosh egish mumkin va lozim. Biri – daholik, ikkinchisi – samimiy mehr.
• Bir-biringizni dildan seving. Aslida, dunyoda sevgidan boshqa hech narsa yoʻq.
• Sherning yoliga burga joylashib olgan. Shunday mitti, ojiz maxluqdan azob chekayotgan sher oʻzini xoʻrlanganday sezishi mumkin, burga esa: “Menda sherning qoni oqyapti!” deb maqtanishi hech gap emas…
• Musiqa – fiklayotgan shovqindir.
• Mashhurlik – mayda chaqa shaklidagi shuhratdir.
• Taraqqiyot – insonning turmush yoʻlidir.
• Erkinlik kinoyadan boshlanadi.
• Qirq – yoshlikning qariligi, ellik – qarilikning yoshligi.
• Omadning koʻzi koʻr, u oʻz suyganlarini ham soʻqir qilib qoʻyadi.
• Insonni oʻzgartirishni uning buvisidan boshlash kerak.

Orifjon Madvaliyev tarjimasi

2010