HAQQULOBOD — Namangan viloyati Norin tumanidagi shahar (1974-y. dan), tuman markazi. Viloyatning sharqida. T. y. stansiyasi. Viloyat markazi (Namangan sh.) gacha 40 km. Aholisi 27,5 ming kishidan ziyod (2005). «No-rintola» paxta tozalash z-di, non mahsulotlari i. ch. korxonalari, yigiruv-toʻquv, tikuvchilik f-kalari, avtokorxona, qurilish tashkilotlari, kichik, oʻrta biznes korxonalari, mik-rofirmalar, savdo, madaniy va mai-shiy xizmat koʻrsa-tish shoxobchalari bor. Toʻqimachilikka ixtisoslashgan Oʻzbekiston—Litva «Klayna-Tekstil», «Haqqulobod-PIK» qoʻshma korxonalari ishlab turibdi. Milliy hunarmandchilikning kosibchilik, zardoʻzlik va b. sohalari rivojlangan.
6 umumiy taʼlim maktabi, aniq fanlar va ingliz tiliga ixtisoslashgan internat maktabi, 2 kasb-hunar kolleji faoliyat koʻrsatadi. Tuman markaziy kutubxonasi va uning 4 shoxobchasi, bolalar kutubxonasi, klub muassasalari, «Shodlik» stadioni mavjud. Tuman markaziy kasalxonasi, bolalar kasalxonasi, kattalar va bolalar poliklinikalari, oʻsmirlar stomatologiya poliklinikasi, dorixonalar va b. tibbiy muassasalar aholiga xizmat koʻrsatadi. Shahar hududidan Andijon — Toshkent t. y. oʻtadi. Haqquloboddan Namangan, Andijon, Margʻilon, Uchqoʻrgʻon va viloyatning b. yirik shaharlariga avtobus va marshrutli taksilar qatnaydi.