GRUMBAT

GRUMBAT (4-a.) — qadimda Turonzaminning shim. da yashagan xioniylar podshosi. Mil. 353-y. da xioniylar Grumbat boshchiligida Sugʻdga bostirib kiradilar. Soʻngra ular Oʻrta Osiyoga siyosiy tazyiqi kuchayib borayotgan Sosoniylar davlati bilan toʻqnashib, Shopur II ni yengganlar. Mil. 356-y. Shopur II Amid (Suriya) sh. ni qamal qilgan paytda Grumbat ugli b-n unga ittifoqchi sifatida qatnashgan. Rim tarixchisi Ammian Marsellin (4a.) ning yozishicha, bu jangda xioniylar shahzodasi, Grumbatning oʻgʻli halok boʻlgan.