GOLDING

GOLDING (Golding) Uilyam (1911.19.9—1993) — ingliz yozuvchisi. Ijodiy faoliyati 30-y. larda boshlangan. «Pashshalar hukmdori» (1954) romani mashhur. Ushbu roman robinzoncha qaxramonlikka parodiya tarzida yozilgan. Golding «Merosxoʻrlar» (1955) romanida insoniyat tarixi hayvonning sekin-asta insonga aylanishidan iborat degan nazariyani shubha ostiga olgan. «Gumbaz nayzasi» (1964) romani inson ruhi tabiatining oʻzgaruvchanligi, haqiqatga yetishning murakkabligi haqida. Golding 16 roman, 3 pyesa, hikoyalar, sheʼrlar va b. asarlar yozgan. Nobel mukofoti laureati (1983).