GLUSHKO Valentin Petrovich

GLUSHKO Valentin Petrovich [1908.20.8(2.9), Odessa – 1989, Moskva] — energetik, akad. (1958). Raketa texnikasi asoschilaridan biri. Asosan kosmonavtika masalalari bilan shugʻullangan, kosmonavtikaga oid ilmiy-ommabop va ilmiy asarlar yozgan. Glushkoning asosiy nazariy va amaliy ilmiy ishlari suyuqlikli raketa dvigatellarini yaratish va takomillashtirishga bagʻishlangan. Glushko jahonda birinchi elektrotermik raketa dvigateli (ERD) konstruktori (1929— 30). Glushko birinchilar qatorida suyuqlikli raketa dvigatellari – JRD (1930-31), ORM-1, ORM-102 (1930-38), RD-3 (193946) va b. ni yaratgan.