GIDROIZOLYATSIYA MATERIALLARI

GIDROIZOLYATSIYA MATERIALLARI — qurilish konstruksiyalari va inshootlarini, binoni, suv va kimyoviy agressiv suyuqliklar (k-ta, ishqor va b.)ning zararli taʼsirlaridan himoya qilinadigan materiallar. Vazifasiga kura, Gidroizolyatsiya materiallarining filtralanishga qarshi, korroziyaga qarshi va germetiklaydigan xillarga; asosiy materialining turiga koʻra bitumli, plastmassali, mineral, metall va b. xillari bor. Bitumli Gidroizolyatsiya materiallari eritkichlarda suyuqlantirilgan bitumlar (bitum loklari va emallari)dan yoki suvda eriydigan bitumlar (bitumli emulsiyalar, pastalar)dan foydalaniladi va bevosita himoya qilinadigan materiallarga surkaladi. Keyingi vaqtlarda elastikligi yuqori va yorilmaydigan bitumli-polimer Gidroizolyatsiya materiallari keng ishlatiladi. Plastmassali Gidroizolyatsiya materiallari epoksid, poliefir, polivinil va b. lak-boʻyoqlar, polimer eritmalar va betonlar, polietilen, polivinilxlorid pardalar, kauchukli germetiklar, rezina lentalar, shishaplastlar tarzida ishlab chiqariladi va ular himoya qilinadigan materiallarga surkaladi, suvaladi, yelimlanadi va qoplanadi. Mineral G. m. sement, loy va b. qovushoq minerallar asosida tayyorlanib, sement va silikat boʻyoqlar, gidrofob toʻkmalar, loy-beton tuldirgichlar tarzida ishlab chiqariladi. Ular himoya qilinadigan materiallarni boʻyashda, suvashda filtrlanishga qarshi tuldirgichlar sifatida ishlatiladi. Metall Gidroizolyatsiya materiallari jez, mis, qurgʻoshin, pulat listlar tarzida i. ch., himoya qilinadigan materiallar uraladi. Hozirda metall Gidroizolyatsiya materiallarining urnini plastmassali, shishaplastikali Gidroizolyatsiya materiallarilar olmoqda.