GIDROFOBIYA

GIDROFOBIYA (gidro… va yun. phobos — choʻchish, qoʻrqish) , suvdan choʻchish — qoʻrquv holati; bemorga bir qultum suv ichirilsa, suv koʻrsatilsa yoki suv eslatilsa, uning yutish muskullari tortishib qoladi, u qattiq choʻchib tushadi va ogʻriq sezadi. Quturish, qoqshol, isteriyada kuzatiladi. Davosi: asosiy kasallik davolanadi, asabiy-ruhiy qoʻzgʻalishni bosadigan dorilar buyuriladi.