FORS QOʻLTIGʻI

FORS QOʻLTIGʻI — Hind okeanidagi qoʻltiq, Eron bilan Arabiston ya. o. qirgoqlari oraligʻida. Sharqda Hoʻrmuz boʻgʻozi va Ummon qoʻltigʻi orqali Arabiston dengizi bilan bogʻlangan. Mayd. 240 ming km2, uz. 926 km, eni 180 dan 320 km gacha. Eng chuqur joyi 115 m. Qirgʻoqqa yaqin qismida orol koʻp, jan. qismida marjon riflari bor. F. q. ga Shatt ulArab daryosi kuyiladi. Suv trasi avgustda 30—33°, fev. da 15—21°. Shoʻrligi 30— 40%o. Baliq ovlanadi, marvarid olinadi. Fors qoʻltigʻi tubida va unga tutash xududlarda katta neft havzasi bor (q. Fors qoʻltigʻi neftgaz havzasi). Asosiy portlari: Fao, Basra, Obodon, Kuvayt, Manama, UmmSaid va b.