FERRO

FERRO, Ierro — Atlantika okeanidagi orol, Kanar o. lari guruhida. Ispaniya hududi. Mayd. 275 km2. Eng baland joyi 1501 m. Iqlimi tropik quruq iklim. Issiq buloklar bor. Endemik oʻsimlik turlariga boy. Aholi dehqonchilik bilan shugʻullanadi. Echki va qoʻy, qoramol boqiladi. Bosh shahri — Valverde. 1884-y. gacha bir qancha mamlakatlarda Ferro (taxm. 18° gʻ. u.) orqali oʻtkazilgan meridian boshlangʻich meridian sifatida qabul qilingan edi.