Ona ayting, qachon qaytar dadamlar?
Qachon qaytishlarin so`rmadingizmi?
Jahon kezib yurgan aziz odamlar,
Siz mening dadamni ko`rmadingizmi?
Ochilmayin xazon bo`lgan lolaman,
Bir yoshimda yetim qolgan bolaman,
O`ylab-o`ylab, tunlar o`yga tolaman,
Siz mening dadamni ko`rmadingizmi?
Otamning ismi bor yurak dog`imda,
Tashlab ketgan meni yoshlik chog`imda.
Do`stlar, ko`chalarda men yo`g`imda
Siz mening dadamni ko`rmadingizmi?
Do`stlar, ko`chalarda men yo`g`imda
Siz mening dadamni ko`rmadingizmi?
Hamma yuribdiku surib davronlar,
Nechun bizning boshga tushdi bo`ronlar?
Bitta savol bilan keldim, yoronlar:
Siz mening dadamni ko`rmadingizmi? {x2}
Otamning ismi bor yurak dog`imda,
Tashlab ketgan meni yoshlik chog`imda.
Do`stlar, ko`chalarda men yo`g`imda
Siz mening dadamni ko`rmadingizmi?
Do`stlar, ko`chalarda men yo`g`imda
Siz mening dadamni ko`rmadingizmi?
Musofir yurtlardan qaytayotganlar,
Dadam bilan suhbat qurmadingizmi?
Jahon xabarlarin aytayotganlar,
Siz mening dadamni ko`rmadingizmi?
Ushbu qo`shiq matni uchun Shahnoza (@shahnoz_art)ga minnatdorchilik bildiramiz.