Quyida keltiriladigan fikrlar, hikmatlar ijtimoiy tarmoqlardagi turli sahifalardan olib tarjima qilingan. Bundan tashqari sahobai kiromlar, ulugʻ olimlar, Yaqin Sharq, Osiyo, Yevropa va Amerika mutafakkirlarining bir qator fikrlari ham berilgan.
*****
Haqiqiy doʻstlar oʻz muhabbatlarini baxtiyor lahzalarda emas, qiyin lahzalarda koʻrsatadilar.
“Tarix muhrlagan soʻzlar”
*****
Hayotingga koʻplab insonlar kiradilar va chiqadilar. Ammo haqiqiy doʻstlargina qalbingda yaxshi iz qoldiradilar.
“Tarix muhrlagan soʻzlar”
*****
Bir kun bezovta boʻlib yashash insonni bir hafta ishlagandan koʻra koʻproq charchatadi.
“Tarix muhrlagan soʻzlar”
*****
Faqirlik – oliyjanob nafslarni xor qilolmaydi. Boylik – pastkash nafslarni oliyjanob qilolmaydi.
“Tarix muhrlagan soʻzlar”
*****
Agar sochlaring adadicha doʻstlaring boʻlsa ham maqtanma. Ularga ishing tushsa, oʻzingning sochsiz odamligingni bilib olasan.
“Fikr durdonalari”
Internet materiallaridan toʻplab, tarjima qiluvchi
Nozimjon Iminjonov
https://saviya.uz/ijod/nasr/faqirlik-oliyjanob-nafslarni-xor-qilolmaydi-boylik-pastkash-nafslarni-oliyjanob-qilolmaydi/