ERMANARIX

ERMANARIX, Germanarix (? — 375) — ostgotlar qiroli; Amallar xonadonidan. Shim. Qora dengiz boʻylarida gotlar bilan birgalikda ayrim alan, slavyan, frakiyalik qabilalardan tashkil topgan qabilalar ittifoqi rahbari. Qoʻshnilari bilan urushlar olib borib ostgotlarga tobe hududni ancha kengaytirgan. Ermanarix «davlati» mustahkam emas edi, tobe qabilalarning, xususan, rosomonlarning isyoni uni larzaga solgan. Gunnlardan qaqshatqich magʻlubiyatga uchragan Ermanarix oʻzini oʻldirgan, qabilalar ittifoqi gunnlar tomonidan tormor qilingan. Ermanarix (Yormunrekk) — germanlar qahramonlik eposi qahramoni.