EMBOLIYA

EMBOLIYA (yun. — tiqin) — qon tomirlariga embollar, yaʼni qon oqimi bilan kelgan zarracha (qon quyqasi va h. k.) ning tiqilib qolishi. Koʻproq miya tomirlari tromboemboliya bilan zararlanadi. Yogʻ, havo, gaz, bakterial va boshqalar Emboliya farqlanadp. Yogʻ E. si yirik suyaklar singanda yoki ilik yalligʻlanganda qon tomirlari yoʻliga yogʻ tomchilari tushishidan, gaz E. si qon tarkibidagi gazning qondan ajralib chiqishi natijasida roʻy beradi. Bakterial Emboliyada bakteriya yoki zamburugʻlar toʻplami tomirlar yoʻliga tiqilib qoladi. Ichki aʼzolar va harakat aʼzolari Emboliyasida qon aylanishi buziladn, bu infarkt, gangrena va boshqalar kasalliklarga olib keladi. Emboliya oʻpka, bronxlar travmatik jarohatlanganda ham yuzaga ksladi. Upka arteriyasi, tomirlar, miya, yurak E. si oʻlimga sabab boʻlishi mumkin.