DOʻHA

DOʻHA, Ad-Doʻha — Qatar davlatining poytaxti. Arabiston ya. o. da, Fors qoʻltigʻi sohilida joylashgan. Qatar ya. o. ning sharqiy qirgʻogʻidagi yirik port. Aholisi 410 ming kishi (2000, shahar atrofi b-n). Muhim savdo markazi. Metallsozlik, sement, mebel, qurilish materiallari, gilam, oziq-ovqat mahsulotlari, oʻgʻit ishlab chiqaruvchi mayda korxonalar, issiklik elektr styasi, xalqaro ahamiyatga ega aeroport, koʻplab masjid va maktablar, un-t bor. Dengizdan baliq ovlanadi, marvarid olinadi.