Quyida keltiriladigan fikrlar, hikmatlar ijtimoiy tarmoqlardagi turli sahifalardan olib tarjima qilingan. Bundan tashqari sahobai kiromlar, ulugʻ olimlar, Yaqin Sharq, Osiyo, Yevropa va Amerika mutafakkirlarining bir qator fikrlari ham berilgan.
*****
Kishi Qurʼonni xolis Allohning roziligini, karamli yuzini istab, qalbidan tilovat qilsa, uni tinglayotganlar bu tilovatdan taʼsirlanadilar.
Shayx Abdulbosit Abdussamad rahimahulloh
*****
Donishmand qoʻli bilan Oyga ishora qilganda, johil barmoqqa qaraydi.
“Tarix muxrlagan soʻzlar”
*****
Zakovatli, aqlli insonlarni rahbar qilib tayinlansayu, ularga qiladigan ishlarini biz yozib bersak, bu mantiqsizlikdir. Biz ularni bizga nima ish qilishimizni aytib, yoʻl-yoʻriq koʻrsatib turishlari uchun rahbarlikka tayinlaganmiz.
“Tarix muxrlagan soʻzlar”
*****
Johillar va ahmoqlar oʻzlari tushuna olmagan narsalarning ustidan kuladilar.
Pifagor
*****
Toʻqnashuvlar ikki xil boʻladi:
- Biri boshni ochadi (yoradi);
- Biri aqlni ochadi.
Abbos Mahmud Aqqod
*****
Agar bir lahzalik gʻazabingni bosa olsang, oʻzingni yuz kunlik nadomatdan qutqargan boʻlasan.
“Tarix muxrlagan soʻzlar”
*****
Hayotdagi muvaffaqiyatsizlik sabablaridan biri – hammaning diqqat markazidaman, hamma men bilan ovvora deb oʻylashingdir. Unutma, koʻpchilikka sening qizigʻing yoʻq.
“Tarix muxrlagan soʻzlar”
*****
Yaxshi inson boʻlganing uchun hammadan senga adolat ila muomala qilishini kutishing xuddi “Goʻsht yemaydigan vegetarian boʻlganim uchun hoʻkiz menga hujum qilmaydi” deb oʻylashingga oʻxshaydi.
“Tarix muxrlagan soʻzlar”
*****
Har kuni tongda aslo gʻazablanmayman deb qaror qilaman. Kunimni bir muddat tinch oʻtkazaman. Keyin baʼzi ahmoqlarga yoʻliqib qolaman. Ular esa mening qarorimni amri mahol ishga aylantirib tashlashadi.
“Tarix muxrlagan soʻzlar”
*****
Yolgʻonni fosh etishning eng afzal qurilmasi – kunlardir.
“Tarix muxrlagan soʻzlar”
*****
Muvaffaqiyatli boʻlmoqchi boʻlsang, bitta qoidani hurmat qilishing kerak. Bu qoida: OʻZINGNI ALDAMA!
“Tarix muxrlagan soʻzlar”
*****
Xatolarning eng ogʻiri – oʻzingni xatolardan pok deb bilmogʻingdir.
Tomas Karlayl
Internet materiallaridan toʻplab, tarjima qiluvchi
Nozimjon Iminjonov
https://saviya.uz/ijod/nasr/donishmand-qoli-bilan-oyga-ishora-qilganda-johil-barmoqqa-qaraydi/