DISKVALIFIKATSIYA (dis… va kvalifikatsiya) (sportda) — 1) musobaqa qoidalarini texnik jihatdan buzganligi uchun sportchi (yoki jamoa)ni erishgan natijalari, egallagan oʻrni va b. dan mahrum qilish;
2) sportchini axloqiy normalarni buzganligi yoki sport kvalifikatsiyasi talablariga mos kelmasligi tufayli musobaqalarda qatnashishdan chetlatish (baʼzan bundam Diskvalifikatsiya natijasida sportchining unvoni ham bekor qilinadi). Diskvalifikatsiya shartli boʻlishi mumkin. Diskvalifikatsiya haqidagi qaror sport klublari, jamiyatlari, federatsiyalari va sport qoʻmitalari tomonidan qabul qilinadi.